Ауданда абаттандыру жұмыстарына көп көңіл бөлінген. «Туған жерге тағзым» акциясы аясында Қарабұтақта Әліби Қойлыбаев атындағы орталық саябақ салынды. 2018 жылдан бастап меценат Қайрат Қойлыбаев оны дамытуға жыл сайын өз қаражатын салуда. Инвестициялардың жалпы көлемі 40 млн теңгені құрады. Саябақта ойын және спорт алаңдары, концерттік сахна, ағаштарды суаруға арналған ұңғыма бұрғыланды, жарықтандыру ұйымдастырылды. Енді кәсіпкер ауылда воркаут пен ойын алаңдарын орнатуды жоспарлап отыр. Биыл тағы бір кәсіпкер Жасталап Жанбауов жалпы сомасы 20 млн теңгеге гүлзарды жабдықтауға ниетті.

Айтып өтейік, Ақтөбе мен Өзбекстан арасындағы тауао айналымы былтыр – 52,4 млн АҚШ долларына жетті. Өзбекстанға ферроқорытпа, металл бұйымдарын, химиялық өнімдер, құрылыс материалдары және ауыл шаруашылығы өнімдерін тасымалданады. Сапар аясында Ақтөбе қаласының халықаралық әуежайы маңында құрылған арнайы экономикалық аймақ таныстырылды. Аймақта 65 бағыт бойынша жобалар іске асыру көзделуде.

Облыс әкімі жаңа ғимаратты аралап, ұжыммен әңгімелесті және мектеп құрылысына қаражат салған кәсіпкердің әлеуметтік жауапкершілігін атап өтті.  Бұдан соң, Асхат Шахаров жергілікті тұрғындармен кездесті. Нұралықтар әкімге мектеп айналасын абаттандыру және жол салу туралы өтініштерін білдірді. Өңір басшысы ауылдағы жол құрылысы жақын арада жұмыс жоспарына енгізілгенін алға тартты.  Сондай-ақ, аймақ басшысы Нұрада воркаут - балалар алаңын, мәдениет үйі, фельдшерлік-амбулаториялық пункт салынады деп уәде берді.   

Естеріңізге сала кетейік, су тасқынынан кейін Нұрадағы өзекті мәселелердің бірі мектеп мәселесі еді. Темірбек Жүргенов атындағы бұрынғы орта мектепті ғимараты апатты деп танылды. Жеке инвестор «Қуанышбек» ЖШС Сарыоба жерінде жүз орындық жаңа оқу орнын салып, оның жанынан шағын орталық ашуға септігін тигізді. Қазір оқу орнында 105 бала оқып, 38 педагог жұмыс істейді. Айта кету керек, қазіргі уақытта нысанды мемлекеттік меншікке рәсімдеу ісі жүріп жатыр.