Ақтөбедегі екі су қоймасының толып кету қаупі сейілді Ақтөбе облысындағы су қоймаларының деңгейі әр екі сағат сайын өлшеніп отыр. Вице-премьер Серік Жұманғарин бүгін таңертең, 2024 жылғы 7 сәуірде, Ақтөбе облысындағы Елек, Қарғалы және Сазды өзендерін жалғайтын үш су қоймасын әуеден бақылады. 

Ақтөбе облысында Ойыл өзеніндегі #өткел арқылы әскерилер 150 адамды эвакуациялады 6 сәуірде Қонаев гарнизонынан Батыс аймаққа Қарулы күштердің инженерлік техникасы теміржол құрамымен су басқан аймақта уақытша байланыс ұйымдастыруға жеткізілді.

Темір ауданында нысандар мен шаруа қожалықтарының шығыны есептелуде   Көктемгі су тасқыны кезінде зақым келген Темір ауданы тұрғындары тарапынан жергілікті әкімдіктерге бүгінгі күнге дейін 83 өтініш түсті. Комиссия мүшелері 78 тұрғын үй, 2 кәсіпкерлік нысан, 3 шаруа қожалығын аралап, түгендеу жұмыстарын жүргізді.

Су тасқыны: ақтөбеліктерге көрсетілетін көмек түрлері белгілі болды   ➤ Бірінші - жылжымайтын мүлікке, тұрмыстық техника мен жиһазға келтірілген залалды өтеу бойынша берілетін өтемақы.   Бұл өтемақының түрін төтенше жағдай жарияланған аумақтардың (Әйтеке би, Қобда, Мұғалжар, Ойыл, Темір аудандары мен Ақтөбе қаласының) тұрғындары ала алады. Ол үшін тұрғындар 30 күнтізбелік күн ішінде материалдық шығынды өтеу туралы өтінішке жеке куәліктің көшірмесі, жоғалған немесе бүлінген мүліктің тізбесін қоса отырыр, аудан әкімдіктеріне тапсырады.

Ақтөбе облысы 72 адам қауіпсіз жерге көшірілді Ақтөбе облысында тасқыннан зардап шеккен Қобда ауданына гуманитарлық көмек тұрақты келіп жатыр. Азық-түлік, киім-кешек эвакуациялық пункттерде орналасқан адамдарға үлестірілді. Аудан орталығындағы екі бірдей орында 72 адам жатыр. Айта кетейік су тасқыны басталғалы бері еріктілердің атқарып жатқан жұмысы көп. Ауылға келіп жатқан гуманитарлық көмекті қабылдап, мұқтаждарға жеткізуді міндетіне алған. Үй-жайларды тіктеуге де атсалысып жатқандары бар.

Ойыл ауылының кіреберісіне понтон көпір орнатылды. Ақтөбе облысында су тасқыны қаупі әлі де сақтаулы. Өңірде Асхат Шахаровтың төрағалығымен су тасқынына қарсы жедел штаб жұмысы жалғасуда.   Штаб өкілдері қазіргі уақытта Ойыл ауданында жүр. Жергілікті атқарушы органдар, төтенше жағдайлар қызметкерлері, жол саласының мамандары, Қорғаныс министрлігінің әскери инженерлері табиғи апат салдарынан бұзылған Ойыл ауданының орталығы мен Ш.Берсиев ауылының арасында көлік қатынасын қалпына келтіру жұмыстарына кірісті.

Қобда ауданындағы эвакуациялық орталықтарға 70 адам орналасты   Ауданда биылғы жылдың 28 наурызынан бастап көктемгі су тасқынына байланысты төтенше жағдай жарияланды.   Су тасқыны кезінде тұрғындарды қауіпсіз жерге көшіру үшін Қобда ауылында спорт мектебі мен аудандық аурухана эвакуациялық пункт ретінде ұйымдастырылды.

Ақтөбе облысында су тасқынынан зардап шеккен елді мекендерде жарықты қалпына келтіру жұмыстары жүргізілуде   Қазіргі таңда 11 авариялық бригада және 15-ке жуық арнайы техника 1234 тұтынушыға жарық беру жұмыстарына тартылған. Бұл туралы Энергетика және тұрғын-үй коммуналдық шаруашылығы басқармасы басшысының міндетін атқарушы Арысұлан Айтбаев мәлімдеді.   Оның сөзінше, облыс әкімі төрағалық ететін су тасқынына қарсы жедел штабпен бірге, әрбір коммуналдық қызмет, «Энергосистема» мекемесі күні-түні жұмыс істеуд

Су тасқынынан зардап шеккен ақтөбеліктерге біржолғы төлем беріледі   Су тасқынынан зардап шеккен және қиын жағдайға тап болған тұрғындар біржолғы төлем ала алады. Облыстық жұмыспен қамтуды үйлестіру және әлеуметтік бағдарламалар басқармасының басшысы Гүлназ Сисенованың айтуынша, біржолғы төлемді алу үшін азаматтар тұрғылықты жері бойынша қалалық немесе аудандағы жұмыспен қамту бөлімдеріне хабарласуы қажет. Ақтөбе қаласы  тұрғындары мен Әйтеке би ауданының тұрғындары үшін төлем сомасы — 300 мың теңге. Басқа аудандардың тұрғындары үшін – 100 АЕК (1 АЕК = 3 692 теңге) мөлшерінде.

Жалпы облыста тасқын қаупі әлі сейілмеген. Қазір өзендердің көпшілігінде су арнасынан асып кеткелі тұр. Өңірде 772 үй су астында қалды. ➤ Облыстың 5 ауданында (Қобда, Мұғалжар, Темір, Әйтеке би, Ойыл) және Ақтөбе қаласында жергілікті ауқымдағы табиғи сипаттағы төтенше жағдай жарияланды. ➤ Су тасқынына қарсы іс-шараларға жеке құрамнан 3140 адам, 664 техника жұмылдырылды. Барлығы 8 763 адам қауіпсіз жерге көшірілді. Олжас Бектенов көлемі 15,8 млн м3 болатын Мағаджан бөгетін аралап көрді, онда қарғын су ағыны салдарынан Мағаджан су қоймасының бөгеті бұзылды.