Буллингпен күрес: оқу орындарында әлемдік тәжірибе қолданылып жатыр Биыл Ақтөбе облысында жасөспірімдер зардап шеккен 120-дан астам қылмыс тіркелді. Полицейлердің айтуынша, балаларды тонау, олардың затын ұрлау сияқты құқықбұзушылықтар әдетте әлімжеттік көрсетуден басталады. Сондықтан қазір елдегі оқу орындарында буллингтің алдын алу шаралары қолға алынды. Балалардың іс-әрекетіне бақылау күшейді. Балаларды зорлық-зомбылық пен әлімжеттіктен қорғау мақсатында құрылған «Жан-Ахуал» орталығы мамандарына да жүгінуге болады. Жыл басынан бері жедел желіге 600-ден астам қоңырау түскен.

Полицейлер пәтерде жалғыз кілттеніп қалған бүлдіршінді құтқарды Атырау облысының Мақат ауданында тәртіп сақшысы Алдияр Базарғалиев көмек сұраған тұрғындарға дереу жәрдемдесті. Ауланы аралау кезінде оған азаматтар екінші қабаттағы пәтерде кішкентай қыздың құлттанып қалғанын және ас үйде газ плитасы қосулы екенін айтқан. Қауіптің алдын алу керек екенін түсінген Базарғалиев жақын маңдағы балабақшадан баспалдақ алып, пәтерге терезе арқылы кіріп, бүлдіршінді сыртқа шығарды. Қыздың ата-анасы полиция қызметкеріне перзентін құтқарғаны үшін шын жүректен алғыс білдірді.

Ақтөбеде қысқа дайындық паспорты беру жұмыстары жалғасуда «Aqtobe Su-Energy Group» АҚ өңір басшысынаоблыс орталығының алдағы жылыту маусымына дайындығы туралы айтып берді. «Аqtobe Su-Energy Group» АҚ Бас директоры Қуандық Қасымов коммуналдық кәсіпорынның апаттық-диспетчерлік қызметінің жаңа ахуалдық орталығының жұмысын таныстырды. Үлкен экрандар онлайн режимінде кәсіпорынның балансында тұрған барлық нысанды көрсетеді. Айтып өтейік, қазандықтар, сорғы станциялары, жылу желілері, КСС және басқа да нысандар цифрландырылды. Ахуалдық орталық тәулік бойы жұмыс істейді.

Қаланы аралау барысында Асхат Шахаров Есет батыр шағын ауданын айналып өтетін арық құрылысын да қарап шықты. Көктемгі су тасқыны кезінде Есет батырдағы екінші ықшам ауданның бір бөлігі зардап шекті. Су жолға шығып кеткен. Қазіргі уақытта мұнда жерасты арығы және ұзындығы 950 метр ашық арна жабдықталуда. Құрылыс бойынша еріген су Қарғалы өзеніне бағытталады.