Жаяу жүргіншілердің жолдағы қауіпсіздігін арттыру мақсатында, Ақтөбе облысы ПД Әкімшілік полиция басқармасы қызметкерлері жергілікті атқарушы органдар бірлесе отырып, Беркімбаев ( #23 үй мен Елек көшесі аралығы) көшесінде бір жақты жүру қозғалысын енгізу арқылы жол қозғалысына өзгерістер енгізілді. Осыған орай Ақтөбе облысы ПД барлық жол қозғалысына қатысушыларына жол жүріс қағидасын сақтауын сұраймыз.

«Аңсаған сәби» бағдарламасы Ақтөбе облысындағы отбасылардың өмірін қалай өзгертті «Аңсаған сәби» бағдарламасы іске қосылғаннан бері Ақтөбе облысында перинаталдық денсаулық пен бала сүюді армандаған отбасыларды қолдау мәселесінде елеулі өзгерістер орын алды. Бағдарлама іске асырылған уақыттан бастап 2025 жылғы сәуір айына дейін бедеулік мәселесімен бетпе-бет келген 1365 жұпқа квота берілді. Бүгінгі күні бағдарламаның арқасында 412 сәби дүниеге келді. Сонымен қатар, облыстық денсаулық сақтау басқармасының мәліметінше, қазіргі уақытта 57 әйел квота арқылы ем қабылдап, сәби күтіп жүр.

Ақтөбеде Әлия Молдағұлованың 100 жылдығына арналған «Жұбанов RUN» марафоны өтті Қ. Жұбанов атындағы Ақтөбе өңірлік университетінің ұйымдастыруымен Кеңес Одағының Батыры Әлия Молдағұлованың 100 жылдығына арналған бұқаралық жүгіру – «Жұбанов RUN» марафоны сәтті өтті. Бұл марафон — салауатты өмір салтын насихаттау, патриоттық тәрбиені күшейту және жастарды қоғамдық белсенділікке жұмылдыру мақсатында ұйымдастырылған ауқымды шара. Жүгіруге 685 адам қатысты. Қатысушылар тек Ақтөбеден ғана емес, Алматы, Қостанай және Атырау қалаларынан да арнайы келіп, бастаманы қолдады.

Ал облыстық мамандандырылған №2 балалар-жасөспірімдер спорт мектебі жаңадан бой көтеруде. Алматы ауданында орналасқан «Динамо» кешенінде 250 орындық трибуна қарастырылған. Спортшылар бір ауысымда баскетбол, волейбол, бокс және ауыр атлетика сияқты спорт түрлерінен жаттыға алады. Бапкерлер құрамы 10 адамнан құралмақ.