Ақтөбе мен Шұбарқұдық арасына маршруттық қатынас ашылды  Темір ауданы тұрғындарының өтініштерін назарға ала отырып, аудандық әкімдік «Шұбарқұдық-Ақтөбе» және «Ақтөбе-Шұбарқұдық» қатынасымен екі аралыққа қоғамдық көлік тасымалын ұйымдастыру туралы шешім қабылдады. Нәтижесінде қоғамдық көлік қатынасы бойынша конкурс жарияланып, үміткер анықталды. Жоба мердігері – «Аймұқашев» ЖШС.  Қазіргі таңда ауданда жолаушыларды тасымалдайтын қоғамдық автобустардың аялдамасы мен тұрақты орны анықталуда.

Ақтөбеде 500-ге жуық адам тазалық акциясына атсалысты    Бүгін «Таза Қазақстан» республикалық экологиялық акциясы аясында өңірімізде «Таза орман» акциясы өтті.    Акция Ақтөбе қаласындағы Ақтөбе орман және жануарлар дүниесін қорғау мекемесі орналасқан «Заречный-3» тұрғын-жай аумағында да болды.   Акцияға облыс бойынша жалпы саны 500-ге жуық адам қатысты. Олардың қатарында орман шаруашылығы мекемелерінің қызметкерлері, «Жасыл ел» жасақтарының сарбаздары бар.

Ауыл шаруашылығы министрі ақтөбелік фермерлермен кездесті   Ақтөбе облысына жұмыс сапарымен келген ҚР Ауыл шаруашылығы министрі Айдарбек Сапаров облыс әкімі Асхат Шахаровпен бірге Әйтеке би және Хромтау ауданындағы шаруаларымен кездесті. Көктемгі егіс егу жұмыстарының барысымен танысты.  Бүгінгі күнге облыста 283,1 мың гектарға жаздық дақылдар егісі жүргізілді. Бұл өңірдің жалпы егіс алқабының 47,1 пайызын құрайды.    Президент тапсырмасы аясында өңірімізде минералды тыңайтқыштардың көлемін 27,2 мың тоннаға жеткізу жүктелген.

Мемлекет басшысына су тасқыны салдарын жою және қалпына келтіру жұмыстары жөнінде есеп берілді Премьер-Министр Олжас Бектеновтің баяндамасынан: су тасқынының салдарын жою және зардап шеккен азаматтарға жан-жақты көмек көрсету жұмыстары Үкіметтің тікелей қадағалауымен жүргізіліп жатыр; қазіргі кезде 61352 адам өз үйлеріне оралған. Эвакуациялық пункттердегі тұрғындарға (5452 адам) барлық қажетті көмек көрсетіліп жатыр; 20 мамырдағы жағдай бойынша 26 мыңнан астам отбасына 100 АЕК мөлшерінде бірреттік төлем беру үшін 10 миллиард теңгеден аса қаржы бөлінген (жалпы, 32655 өтініш келіп түскен).