2 қыркүйекте Темір ауданының Қопа ауылында кәмелетке толмағандар арасында қақтығыс болып, оның барысында 9-сынып оқушысы қайтыс болды.
​Осы факті бойынша бұзақылық және денсаулыққа қасақана ауыр зиян келтіру дерегімен сотқа дейінгі тергеп-тексеру басталды. Кезекші тәулікте осы оқиғаның барлық қатысушылары анықталды. Олардың әрекеттеріне құқықтық баға берілетін болады.
​Жедел-тергеу тобы құрылып, қылмыстық іс полиция департаментінің өндірісіне қабылданды. Процессуалдық прокурор тағайындалды.

Су тасқынынан зардап шеккен 7 393 отбасына жаңа баспана берілді  Мемлекет басшысының тапсырмасы бойынша Үкімет су тасқыны салдарын жою және зардап шеккендердің тұрғын қалпына келтіру жұмыстарын жүргізуде.  Биылғы 6 қыркүйектегі жағдай бойынша 7 393 отбасы зақымданған мүлкінің орнына жаңа үйлер мен пәтерлерге ие болды, оның ішінде 5 313 нысан сатып алынды, 2 080 үй салынды.  Барлық 9 147 өтініш берушіге жалпы сомасы 53,5 млрд теңгеге тұрғын үйді жөндеуге және қалпына келтіруге өтемақы берілді.

Облыстық ауыл шаруашылығы және жер қатынастары басқармасының басшысы Құсайын Сәрсембайдың айтуынша, облыстағы биылғы егістің жалпы ауданы — 677,2 мың гектар, мұнда 403 мың гектар дәнді дақыл, 48,4 мың гектар майлы дақыл, 220,5 мың гектар жемшөп дақылдары, тағы 2,8 мың гектар картоп және 2,5 мың гектар көкөніс егілді.    Егін жинауға 1,5 мың трактор, 700-ге жуық комбайн, 800 трактор тіркемесі және 500-ге жуық жүк көлігі қатысады. Күзгі дала жұмыстарына 7,4 мың тонна жеңілдікті дизель отыны бөлінді. Бұл көлем аймақтың қажеттіліктерін толығымен қамтамасыз етеді.

Облыс әкімі Асхат Шахаров Жұбанов университетінің ректоры Лаура Қарабасова мен Британдық Хериот-Уотт университетінің вице-провосты, профессор Марк Биггсті қабылдады. Мемлекет басшысы өз жолдауында атап өткендей, бүгінгі таңда жоғары білімді интернационалдандыру мақсатында елге шетелдік танымал университеттер тартылды, олардың бірі - Хериот-Уотт.  Кездесу барысында тараптар британдық университет, Жұбанов университеті және әкімдік арасындағы ынтымақтастықтың негізгі бағыттарын талқылады. Биггс мырза ынтымақтастықтың алғашқы нәтижелерімен бөлісті.