Жалпы, цифрландыру тұрғысынан да, инфрақұрылымды құру тұрғысынан да туристік тәжірибені жақсарту және облыстың туризм индустриясына жаңа инвестициялар тарту бойынша кешенді шешімдер әзірленуде.  Баяндамашыны тыңдаған аймақ басшысы өңірде туризмді табысты дамыту үшін тартымдылық аймағын құру және іс-шараларды ұйымдастыруды ғана емес, инфрақұрылымды, экологиялық стандарттарды жақсартуды және өңірді ілгерілетуді қамтитын кешенді стратегияны құру қажеттігін алға тартты.

Ақтөбе облысының дін істері басқармасының жаңа басшысы тағайындалды    Бұл лауазымға Жүсіпжан Ақзам тағайындалды.   Өңір басшысы Асхат Шахаров дін істері басқармасының жаңа басшысын таныстырды.    Жүсіпжан Ақзам 1970 жылы Ақтөбе облысында дүниеге келген. 1993 жылы – Мәскеу Ленин ордені және Еңбек Қызыл Ту орденінің К.А.Тимирязев атындағы ауылшаруашылық академиясын, 2001 жылы Қазақстан Республикасы Президентінің жанындағы Мемлекеттік қызмет академиясын тәмамдаған.    Еңбек жолын 1993 жылы Шалқар ауданының «Сүттікөл» өндірістік кооперативінде зоотехник болып бастаған.

Қайсар қыз Әлияның ерлігіне арналған тұңғыш қойылым сахналанады Кеңес Одағының батыры Әлия Молдағұлованың 100 жылдығына орай, мерген қыздың ерлігі мен өмірі алғаш рет музыкалық пьеса болып өрілмек.

7 мамырда көрерменге жол тартатын мюзикльде Әлияның жарқын бейнесі жан-жақты жеткізіледі. Қойылымдағы ерекше образдың бірі – «Ажал» кейіпкері. Батырдың тағдырымен бетпе-бет келіп, оның рухын сынау арқылы көрсетіледі. Тарихи биографиялық көріністе қаршадай қыздың қайсарлығы мен Отанға деген өшпес махаббаты драмалық тартыстармен беріліп, әсерлі диалогтар арқылы жеткізіледі.

Ақтөбеде тағы бес құрылысы тоқтап тұрған нысан қолданысқа берілді    Облыс әкімі Асхат Шахаров аппарат мәжілісінде өңірдегі құрылыс-монтаж жұмыстарының барысы туралы ақпаратты тыңдады.   Мемлекеттік құрылыс және сәулет бақылау басқармасының басшысы Сұлтан Аманчиннің айтуынша,биылғы І тоқсанда басқармаға құрылысжұмыстарының басталғаны туралы 319 хабарламатүскен, оның ішінде тұрғын үй құрылысы, білім беру және денсаулық сақтау салаларындағы жобалар бар.